 |
the cobbler
the cobbler's shop is tiny, dusty and dark
but when a lassy brings her dancing shoes
with bright sunshine it will joyously spark.
|
el calegher
La so botega la xe sempre scura
e la so falda la xe sempre lisa;
la so zornada la xe sempre grisa.
Soto 'na oleografia de San Grespin
sconta a meta da un velo de scarpie
no manca mai de ardar un lumin
che ilumina un bancheto e do scansie.
Scrape, savate, sandoli, mulete,
tachi, piantoni, struche de curame,
co spaghi, cola, pegola e brochete
el giusta tuto par tor via la fame.
Ma co ghe vien de volta 'na putina
a farse i socoleti par balar
i so oci finchi i vede 'na regina
che a ogni moto xe da incontentar.
El tira fora la so maestria,
el so saver co tuti i so segreti
e su la forma nasse 'na poesia
co un bel intajo a greche e i so fiocheti.
E quando a la tosa i socoli el ghe mete
'na spierada de sol la fa baussete
e ride la vita a lu e a la putina:
a ela ghe par la festa pi vicina
e lu el se sente in cuor la sabadina.
falda: grembiolone
scarpie: ragnatele
mulete: pianelle di cuoio
piantoni: forme da stivali
finchi: strabici, devoli
spierada: raggio
sabadina: bicchierata fra artigiani al fine settimana