 |
the fishmonger
on Fridays the fishmonger darts to and fro
chasing the cats away and singing loud:
"Fresh fish, frogs, mussels alive-alive, ho!".
|
el pesser
Passa al venare el pesser
co la bici e do cassete:
pessi, peoci, masanete
che a nasarle ex un piacer.
Ghe xe siegoli e canastrei,
ghe xe schile, go sardele,
ghe xe sfoji, ghe xe anguele,
tuto quanto a pochi schei.
Ciare volte ghe xe rane
co le foje par letiera,
che xe stae ciapae de sera
drento fossi o marezane.
A ogni porta del quartier
la casseta se desvoda;
pi liziera va la roda
e pi alegro va el pesser.
Sona intanto el mezodi
e la sbate che mai pi;
za la merce xe finia,
la balansa messa via.
El pesser solo soleto
xe resta nel cortiveto,
ma vien 'vanti in procession
tanti gati dal stradon
a intonarghe un concertin
fra la polvare e el freschin.
pesser: pescivendolo
peoci: cozze
masanete:granchi lagunari
siegoli: cefali
schile: gamberetti di fiume
go: ghiozzi
sfoji:sogliole
anguele: latterine
marezane: renaie, pozzanghere
roda: ruota