 |
the healer
with herbs and words around the fireplace
the lowland healer cures both body and soul
because his hands are gifted with God's grace.
|
el giustaossi
'Na casa vecia persa par la Bassa,
polasrti e anare in cortio che frassa,
cale ridente che incorona i fossi
ghe fa da ambulatorio al giustaossi.
Par sala operatoria un cusinon,
co gran tola, fogher e cavedon,
erbe sui travi, gramole coi denti
sora la napa co vasi de unguenti.
El giustaossi col capel fraca
schersando col passiento sbarossa,
el cura storte, traumi, stracolai,
sgonfessi, artrite, chisse, stravoltae:
po'el fraca e el tira sensa remission;
un s-cioco, un cigo, 'na benedission
e torna a posto quel che jera fora.
Co 'na ciara de vovo par de sora,
'na fassa streta e un goto de quel bon
xe completada la medicassion,
do di riposo e sprisse i dolori
e se xe pronti a tonar ai lavor.
Oh, se anca par 'sta Italia sconcassada
ghe fusse un giustaossi a darghe 'na drissada!
Co qualche rima in -io e un bel tiron
no ghe saria pi mafia, tangenti o corussion
e in pochi di, tirada a lustrofin
la tornaria de paca come nava de balin.
cavedon: alare
gramole: mandibole
sbarossa: malconcio
stracolea: slogature
chisse: rigonfiamenti alle giunture
stravoltae: lussazioni
ciara de vovo: albume
a lustrofin: a lucido