 |
the ice-cream vendor
the ice-cream vendor's brassy horn unleashes
a rush of children to his silver pit
that instantly fulfils their infant wishes.
|
Ico el gelater
Quatro colpi de tronbeta
da l'anuncio nel quartier
che spenzendo la barcheta
riva Ico el gelater.
A quel segno de alegria
anco soto el sol leon,
vien la zente su la via
a spetarlo sul canton.
Vien le mame coi putei,
vien le tose coi tosati
e co pochi o tanti schei
tuti crompa i so gelati.
'Na piramide de arzento e un posso pien de desideri
par 'na carta o do da cento
i te verze i so misteri.
Crema, fragola, limon
i te imbalsama el palato,
no ghe xe un afar pi bon
par cavar la se al gargato.
Col so far da gran scultor
co do spatolae de ponta,
Ico el fa un capolavor
e lo firma co la zonta.
Copetine, coni, cialde,
turi ciucia e se ristora
e le lengue bate salde
finche l'arso nol se sora.
E contento el gelater
co la bianca giachetina
el se inmucia co piacer
le palanche in cassetina.
Po el riparte e da la via
la trombeta manda un son,
che risveja l'alegria,
che indormensa el sol leon.
barchete:carrettino da gelataio
verze:aprono
inmucia:ammucchia
I