 |
the market day
the market day draws business to every stall,
middlemen, farmers, servants, touts, housewives:
till midday chimes, there's a bargain for all.
|
al marca de Traiso
Al marca de Traiso marti e sabo
sboae de foresti e montagne de roba
da schei, andante, da tre brassi un franco
a muci, a scassafasso, sora el banco
che canta al to passar "ciapame in man";
cari e carete co le stanghe al cielo
da no catar pi gnanca un buso al stalo;
ogni ostaria col cartel "oggi trippe",
calivo de ciacole e fumo de ciche,
profumo de borida e petorai;
da Piassa San Vio a Piassa del gran
sanseri in porcela che "taja le man",
che osa, che spua, contrata e dibate,
servete e atendenti scorseti e parone,
dassieri, batidori, revendone,
crivole, casse, chebe, corboni
semense, erbe e fiori drio stajon,
un gran arcobalen de tende de color
che se desfanta e perde via i tocheti
dal mezodi, co tole e cavaleti
se sera al botizar del campanon
che manda via sul fil de la polenta
chi co le sporte o le scarsele piene
convinti de aver fato el mejo afar
in 'sto mondo mezo da vendar, mezo da crompar.
a scassafasso: alla rinfusa
borida: rilevo, zuppa di avanzi
petorai: pere cotte
porcela: giaccone imbottito
osa: urlano
scorseti: damerini, bellimbusti
batidori: imbonitori
revendone: venditrici di piazza
chebe: gabbie
desfanta: svanisce