 |
the mattress-maker
the mattress-maker works to a merry tune
that draws the girls to show at balconies
fancying a serende under the moon.
|
el stramasser
Ciaciari Ciaciarti sempre al lavoro
do Borgo Cavour a la Cale de Oro,
fora in cortio o soto un portal,
sora la Mura o in riva a un canal,
Ciciari Ciaciari sensa pensieri,
re dei zerganti e dei stramasseri,
re de la piassa che dorme a pajeri.
Ciciari Ciaciari tira la lana
co le bachete che nate par aria
un ritmo strambo da samba cubana
che par la testa ghe bisna e savaria
come se el fusse davanti ai putei
nel so teatro dei bricinei.
Ciciari Ciaciari tira la grena
co la so "stissa" de picandolon;
quando che el disna, certo nol cena
ma no ghe manca mai de quel bon
par impissarghe nel cuor 'na canson
che fa vagner le tose al belcon.
Ciciari Ciciari tira stramassi
col so scardasso che va come un mato,
sognando brente, bote e tinassi
dove stuar el gran arso al gargato;
Ciciari Ciaciari un gramo destin
lu che sognava negarse nel vin
ne l'aqua del Sil cercar la so fin.
bisna : ronza
savaria : impazza
buricinei : burattini
grena : crine vegetale
stissa : sigaretta, cicca
scardasso : cardatrice
brente : secchi di legno