 |
the pearl-stringers
the young pearl-stringers' song is merry and clear
but the echo leaves a sadder note in the air
because with each pearl they string a love tear.
|
le impiraresse
El borgo tase, tase el campanil
ne la matina de oro in riva al Sil,
ma da un cortio a fianco de un cason
vose de arzento intona 'na canson
de maghi, cavalieri e principesse.
Le xe le vose de le impiraresse
che impira i bracialeti e le colane
e intanto, col cantar le se consola
e sogna come drento de 'na bola
un gran palasso e un bel principe azuro
che se le porta cia dal borgo scuro
nel regno de le fade, via lontan
sul so cavalo bianco come el pan
che lore magna solo al di de festa;
ma la bola la s-ciopa,e cossa resta?
Fili de perle e perle da impirar,
fili de giorni e giorni e giorni da spetar.
Svola sospiri e 'na lagrema sconta
sbrissando a le altre perle la se zonta.
cason : costruzione con tetto di paglia palustre
impiraresse : infilatrici di perle
fade : fate
sconta : nascosta
sbrissando : scivolando