 |
the wine-branch
a branch in the yard is just a farmer's flag
meaning to people that good wine is sold
from last year's vintage, and it is no brag.
|
a la frasca de sant'Antonin
A la frasca de sant'Antonin
ghe xe sempre un bon goto de vin,
fragola, crinto, baco, marzemin
che te mete el boresso nel cuor,
viva el bon vin e viva l'amor.
A la frasca de sant'Antonin
ghe xe goti, bocal e quartin
co sopressa e co pan casalin
che varisse la smara e el slangor
viva el bon vin e viva l'amor.
A la frasca de sant'Antonin
ghe xe un zogo col so borelin,
marcapunti e vantiera de vin
a l'ombria de un gran sicamor
viva el bon vin e viva l'amor.
A la frasca de sant'Antonin
'na palanca fa su el contadin
che lo juta a passar san Martin
contentando paron e fator
viva el bon vin e viva l'amor.
smara:tristezza, malinconia, paturnie
zogo:pallaio, gioco di bocce
borelin: ragazzo addetto a risistemare i birilli abbattuti
marcapunti:lavagnetta o tabella segnapunti
vantiera: vassoio